அங்கவீனமுற்ற நபர்கள் மற்றும் நீண்டகால நோயினால் பாதிக்கப்பட்டவர்களினை, அங்கவீனமுற்ற நிலைக்கு உட்படுவதைத் தடுப்பதை நோக்கமாகக் கொண்டு இந்நிகழ்ச்சித் திட்டம் அமுலாக்கப்படுகிறது. இங்கு, அரச மருத்துவசாலைகளில் வழங்கப்படாத மருந்துகளினைப் பெற்றுக் கொள்ளுவதற்கும், சிகிச்சைகளுக்குச் செல்லுவதற்கும், இதயம், கண், சிறுநீரகம், மூளை, இடுப்பு எலும்பு, காது திசு போன்ற வேண்டிய அறுவை சிகிச்சை செய்வதற்கும் உதவிகள் வழங்கப்பட்டு வருகின்றன. உதவி கோரப்படுபவர் குறைந்த வருமானத்தைக் கொண்ட அங்கவீனமுற்ற நபராயின் ரூ.30,000/- ஆகவும் நோயாளியாயின் ரூ.25,000/- , சத்திரசிகிச்கை செய்பவராயின் ரூ.30,000/- ஆகவும் வழங்கப்பட்டு வருகின்றது.
விண்ணப்பிக்கும் முறைமை
- நிதியுதவி தொடர்பிலான கோரிக்கைக் கடிதமொன்று இருத்தல் வேண்டும்.
- மருத்துவச் சான்றிதழ் முன்வைத்தல் வேண்டும்
- மருத்துவ அறுவை சிகிச்சை அல்லது சிகிச்சை தொடர்பில் செலவாகும் நிதி குறிப்பிடப்பட்டிருத்தல் வேண்டும்.
- கொள்வனவு செய்யப்படும் மருந்துகளின் விவரக் குறிப்பினை விண்ணப்பப்படிவத்தில் மருத்துவ உத்தியோகத்தரால் உறுதிப்படுத்தி முன்வைத்தல் வேண்டும்.
- அரச ஒசுசல வினால் அல்லது மூன்று தனியார் பாமஸியிடமிருந்து பெறப்பட்ட மதிப்பீடுகளுக்கு கொடுப்பனவு வழங்கப்படும்.
- கிராம உத்தியோகத்தர், சமூக சேவைகள் உத்தியோகத்தர் மற்றும் பிரதேச செயலாளரின் அங்கீகாரத்துடன் உரிய விண்ணப்பங்கள் பூர்த்தி செய்யப்பட்டிருத்தல் வேண்டும்.
- கிளினிக் செல்வதாயின் அதனை செல்வதனை உறுதிப்படுத்தும் பிரதிகள் உறுதிப்படுத்தப்பட்டு சமர்ப்பித்தல் வேண்டும்.

